Ulla Reusteck

Wohrheit

Wä de Wohrheit nit verdrage kann,
dat ess för mich ne ärme Mann.
Doch die, die bedreje un de Lück dun beleje,
dat sin Minsche dovun jit et vill.
Unrääch flutsch inne flöck us der Muul.
Se maachen ehr Hätz zo ner Räuberkuhl.

Dann jitt et die ohne Versteisdemich,
die halde räuich de Fööß ungerm Desch.
Se nicke mem Kopp, schwaade noh un sin stell,
sin feich, nemmen aan wat vörjesaht,
de fädije Wohrheit steit inne parat.

Wann se dann ävver fies op et Föttche falle,
dann, jo dann künnen se op eimol Tacheles kalle.

Februar 2017